O Cadete B tivo que traballar de abondo para sumar tres puntos ante unha correúda SD Ribadeo (3-2) en Abegondo, en partido correspondente á 7ª xornada no subgrupo A norte da liga Galega. Os lucenses chegaban como pechacancelas á Cidade Deportiva, con cero puntos na súa marcadora, pero plantaron cara en varias fases do partido aos deportivistas.
Álvaro Mardones, Memet e un futbolista rival en propia meta foron os goleadores branquiazuis.
Con este marcador, o Cadete B suma 13 puntos e lidera provisionalmente o subgrupo, a expensas do resultado do partido entre o Viveiro CF e CD Lugo B, os dous inmediatos perseguidores.
Cadete B: Unai, Brian, Javi Casanova, Daniel Fernández, Monteagudo, Noe, Álvaro Mardones, David Carballo, Antonio Souto, Samuel e Daniel García. Tamén xogaron: Miguel, Marco Baña, Memet e Héctor.
A próxima fin de semana toca descanso para o equipo que dirixe Daniel González.
Os resultados do Cadete B neste subgrupo son os seguintes:
Cadete B 2 (Óscar e Javi Casanova) - CD Lugo B 3 SD Ribadeo 0 - Cadete B 5 (José Rey -2-, Marco Baña, David Domínguez e Álex Delgado) Cadete B 2 (Javi Casanova e Héctor Beade) - Viveiro CF 0 SCD Milagrosa 0 - Cadete B 7 (Antonio Souto, Noe, Héctor, Memet, Samuel, Álex Delgado e un futbolista rival en propia meta) CD Lugo B 2 - Cadete B 2 (Antonio Souto e Mardones) Cadete B 3 (Mardones, Memet e un futbolista rival en propia meta) - SD Ribadeo 2