O Xuvenil A disputa mañá xoves o seu primeiro amigable de pretemporada. Será na Cidade Deportiva de Abegondo, no campo 6, ás 12:00 horas ante a Selección de Angola Sub-19.
Será o último test do cadro deportivista antes de partir á cidade surafricana de Durban, para disputar un torneo amigable.
O equipo que dirixe Rubén Coméndez arrancou o pasado martes 11 de xullo os adestramentos de pretemporada, con estes futbolistas:
-Porteiros: Antón e Pablo.
-Defensas: Héctor, Iago Parga, Jorge, Álvaro e Diogo Daviz (procedente do Benfica).
-Centrocampistas: David, Sebas, Antón, César, Víctor, Boedo, Kilian, Javi, Celeiro, Armas e Valín.
-Dianteiros: Mosquera, Rojo, Óscar de Castro e Óscar Lorenzo.
Cabe lembrar que realizan a pretemporada co Fabril Ricardo Benjamim, Alberto Sánchez, Mujaid, Gandoy, Ortuño, Joel, Carracedo e Porrúa.
O calendario de pretemporada xa confirmado do Xuvenil A é o seguinte:
XUVENIL A - SELECCION DE ANGOLA SUB-19, mañá xoves 20 de xullo ás 12:00 en Abegondo (campo 6)
Torneo Internacional en Durban (Sudáfrica)
O conxunto deportivista quedou encadrado no grupo A, coa Selección de Sudáfrica Sub-19, Asec Mimosas e o FC Midtjylland.
Primeira Fase (no Estadio Sugar Ray Xulu)
Venres 28 de xullo
16:30: SELECCIÓN DE SUDÁFRICA - XUVENIL A
Domingo 30 de xullo
14:30: XUVENIL A - FC MIDTJYLLAND
Martes 1 de agosto
14:15: ASEC MIMOSAS - XUVENIL A
Os dous primeiros de cada grupo accederán ás semifinais, que se xogarán o xoves 3 de agosto no estadio Moses Mabhida.
