O Cadete A defende mañá xoves 11 de outubro en Abegondo (campo 3) o liderado da División de Honra. Será con motivo do derbi ante o Celta, previsto para as 19:30 horas e correspondente á 5ª xornada. O choque foi aprazado a pasada fin de semana a petición do conxunto céltico e será de entrada gratuíta para os afeccionados.
O conxunto deportivista que prepara Luis Bonilla leva 12 puntos á fronte da táboa, os mesmos que o Pabellón Ourense e Ural CF, aínda que estes dous equipos cun partido máis xogado.
