O Fabril FC Alevín, xa campión do grupo B da Primeira Autonómica A Coruña de fútbol oito, tivo hoxe a súa última cita ligueira.
Os fabrilistas caeron (4-2) en San Pedro de Visma 1 (A Coruña) ante o Imperátor OAR A, en partido correspondente á 2ª xornada que foi suspendido o pasado 24 de abril debido a unha forte tormenta. Gabi e Raúl foron os goleadores fabrilistas.
Fabril FC Alevín: Lucas López, Hugo, Pablo Vara, Nico, Gabi, Jose, Iago Lameiro e Martín Forján. Tamén xogaron: Martín, Lucas Vázquez, Iago Varela, Javi, Raúl e Pablo Somoza.
O Fabril FC Alevín que dirixen Alberto Suárez e Arsenio Velasco acabou a liga na primeira posición do grupo B con 15 puntos; con cinco partidos gañados e un perdido. O conxunto fabrilista anotou 34 goles e encaixou unicamente 4, curiosamente todos neste último e intranscendente partido.
Os resultados do equipo branquiazul son os seguintes:
Fabril FC Alevín 11 (Martín Forján -4-, Lucas Vázquez -2-, Iago Lameiro -2-, Pablo Vara, Raúl e Gabi) - Imperátor OAR C 0
Imperátor OAR A 4 - Fabril FC Alevín 2 (Gabi e Raúl)
Fabril FC Alevín 4 (Iago Lameiro, Javi, Guille e Gabi) - Orillamar SD A 0
Imperátor OAR C 0 - Fabril FC Alevín 10 (Raúl -4-, Gabi -2-, Iago Lameiro, Martín Forján, Pablo Somoza e Javi)
Fabril FC Alevín 4 (Raúl -2-, Guille e Martín Forján) - Imperátor OAR A 0
Orillamar SD A 0 - Fabril FC Alevín 3 (Raúl, Jose e Guille)
