Hoxe sábado, na segunda fase da liga Nacional, grupo 1C de ascenso, ao Xuvenil B lle valía un empate ante o RC Celta B para lograr o título de campión da categoría, no último partido de liga. Os deportivistas chegaban ao partido con 59 puntos por 58 os célticos, segundos na táboa. O choque, vibrante até o último segundo, acabou en igualada (1-1), que supón o campionato branquiazul da liga Nacional.
Tamén xogaron en Abegondo o Cadete A ante o Arosa SC (5-0), resultado que aúpa aos branquiazuis ao liderado da segunda fase na División de Honra (grupo A2); e o Alevín de fútbol once, xa campión da Primeira Autonómica A Coruña, grupo A, fronte ao Oza Juvenil SD B (13-0).
Pola tarde concluíron con triunfo a liga na Torre o Benxamín A (1-4) que certificou con este bo resultado ante o Ural Español CF o seu título no grupo A de a Primeira Autonómica A Coruña de fútbol oito; e o Fabril FC Benxamín (11-1), xa campión do grupo C.
Mañá domingo ás 12:00 (retransmitido pola web da CRTVG) en Abegondo terá lugar o prato forte da fin de semana en #ANOSACANTEIRA.
A UD Las Palmas, campión do grupo 6, é o rival do Xuvenil A nos cuartos de final da Copa de Campións, segundo o sorteo realizado o pasado luns na sede da RFEF na Cidade do Fútbol de Las Rozas (Madrid).
Nesta competición participan o sete campións do sete grupos da División de Honra e o mellor segundo de todos os grupos.
Esta rolda de cuartos de final será a dobre partido e a orde de campos quedou determinado pola orde da extracción das bólas nun sorteo puro: a ida no campo principal da Cidade Deportiva; e a volta unha semana máis tarde en Las Palmas de Gran Canaria.
Neste sorteo tamén se determinou o cadro clasificatorio das semifinais e final, que serán en sede única, formato 'Final Four', do 24 ao 27 de xuño. En caso de superar á UD Las Palmas, o rival do Xuvenil A en semifinais, a partido único, será o vencedor dos cuartos de final entre o Real Madrid e o Atlético de Madrid
O Xuvenil A accede á Copa de Campións como campión do Grupo 1 con 53 puntos; por diante do RC Celta (51 puntos) e Sporting de Gijón (50 puntos).
A xornada da fin de semana en #ANOSACANTEIRA abriuna onte venres o Infantil A, que dobregou ao San Tirso SD (1-2) na segunda xornada da segunda fase da liga Galega, grupo norte A1.
O calendario de partidos, cos resultados dos xa xogados, é o seguinte:
Categoría xuvenil
Copa de Campións, cuartos de final, ida: XUVENIL A - UD LAS PALMAS, o domingo 13 de xuño ás 12:00 en Abegondo (campo principal)
Liga Nacional, segunda fase, grupo 1C de ascenso, 5ª xornada (última): XUVENIL B 1 (Martín Ochoa) - RC CELTA B 1
Categoría cadete
División de Honra, segunda fase, grupo A2, 2ª xornada: CADETE A 5 (Álex Montero -3-, David Domínguez e Álex Delgado) - AROUSA SC 0
Categoría infantil
Liga Galega, segunda fase, grupo norte A1, 2ª xornada: SAN TIRSO SD 1 - INFANTIL A 2 (Daniel e Íker Gil)
Categoría alevín
Primeira Autonómica A Coruña de fútbol once, grupo A, 10ª xornada (última): ALEVÍN 13 (Paulo -5, Trigo -4-, Uxío -2-, Mauro e Sergio) - OZA JUVENIL SD B 0
Categoría benjamín
Primeira Autonómica A Coruña de fútbol oito, grupo A, 10ª xornada (última): URAL ESPAÑOL CF A 1 - BENXAMÍN A 4 (Íker -2-, Hugo e Yael)
Primeira Autonómica A Coruña de fútbol oito, grupo C, 10ª xornada (última): FABRIL FC BENXAMÍN 11 (David Gómez -6-, Álvaro, Iván, Dani, Javi e Martín) - VICTORIA CF B 1
