#ONOSODERBI en Abegondo da División de Honra entre o Cadete A e o RC Celta A, con motivo da primeira xornada na segunda fase, subgrupo A2, acabou en táboas (1-1).
O formato desta competición é de liga a unha soa volta. Os dous primeiros accederán ás semifinais, cuxos vencedores xogarán a gran final a partido único en sede neutral.
Nun choque equilibrado entre os dous grandes aspirantes ao título houbo repartición de puntos, resultado co que o Cadete A mantén todas as súas opcións. Adiantouse o RC Celta no minuto 43 e empatou na segunda metade o atacante branquiazul Álex Delgado.
Cadete A: Nuno, Noah, Ogando, Rubén, Gabri, Pedro, Martín Montero, Marco Baña, Kevin, Álex Montero e Álex Delgado. Tamén xogaron: David Carreira, Martiño, Álvaro Mardones e David Domínguez.
Con este marcador, o Cadete A suma tres puntos por catro puntos o Arosa SC, líder provisional. Ambos os equipos ven as caras a próxima fin de semana, tamén en Abegondo, na 2ª xornada.
Pechan o grupo con dous puntos o RC Celta e o San Tirso SD.
